1. USHBU ESLATMA QAMROVI

Ushbu maxfiylik eslatmasida (“Eslatma”) Mastercard International Incorporated kompaniyasi va uning filiallari (birgalikda “Mastercard”, “bizni/bizga” yoki “biz” deb yuritiladi) Shaxsiy maʼlumotlarni Dasturlarimiz bilan bogʻliq holda qanday qayta ishlashi tasvirlangan. “Shaxsiy maʼlumotlar” deganda identifikatsiya qilingan yoki identifikatsiya qilish mumkin boʻlgan jismoniy shaxsga (“siz”) taalluqli maʼlumotlar tushiniladi.

Ushbu Eslatma priceless.com veb-sayti kabi boshqa dasturlar doirasida shaxsiy maʼlumotlarning Mastercard tomonidan qayta ishlanishini qamrab olmaydi. Siz priceless.com veb-saytidan foydalanganingizda Shaxsiy maʼlumotlaringizni qanday qayta ishlashimiz haqida axborot olish uchun Priceless maxfiylik eslatmasiga qarang. Biz moliyaviy muassasalar (masalan, Mastercard kartangizni bergan bank), sotuvchilar va maʼlumotlar nazoratchisi sifatida faoliyat yurituvchi boshqa hamkorlar (jumladan, toʻlov tranzaksiyalarini qayta ishlash uchun) nomidan yoki ularning koʻrsatmalari asosida faoliyat yuritadigan hollar ham ushbu Eslatma qamroviga kirmaydi. Bunday hollarda Shaxsiy maʼlumotlaringizning qayta ishlanishi haqida axborot olish uchun ularning maxfiylik eslatmasiga qarang.

2. DASTURLAR UCHUN QANDAY TURDAGI SHAXSIY MAʼLUMOTLARNI QAYTA ISHLAYMIZ

Biz Dasturlar doirasida sizga taalluqli Shaxsiy maʼlumotlarning quyidagi turlarini toʻplaymiz:

• Hisob maʼlumotlar va kontakt maʼlumotlari, masalan, toʻliq ism, email manzili, siz biror Dastur uchun roʻyxatdan oʻtish maqsadida tanlagan toʻlov kartasi raqam(lar)i, amal qilish muddati, CVC2, login maʼlumotlari, toʻplangan jami ballar yoki mukofotlar va ballar yoki mukofotlarni ishlatish tarixi. Dasturga qarab, manzil, telefon raqami, tugʻilgan kun, soliq ID raqami va qonunchilikda ruxsat etilgan hollarda jinsingiz kabi qoʻshimcha maʼlumotlarni ham taqdim etishni tanlashingiz mumkin.
• Biror dastur uchun registratsiya qilingan karta(lar)ga oid tranzaksiya maʼlumotlari, masalan, toʻlov(lar) sanasi/vaqti, shaxsiy hisobraqam, sotuvchi ismi/nomi, tijoriy yoki tranzaksiya kodi, pul birligi va xarid summasi hamda xaridlaringizning Dasturlar talablariga mosligi yoki mos emasligini aniqlash uchun yaratilgan tokenlashtirilgan ID.
• Muayyan takliflar yoki takliflar turkumlari borasidagi afzalliklaringiz yoki ularga qiziqishingiz.
• Geografik joylashuvingiz (agar sizga yaqin ofislarni koʻrish uchun joylashuvingizni ulashish xususiyatini yoqsangiz).
• Ixtiyoriy soʻrovnomalarda taqdim etilgan maʼlumotlar.
• Mijozlarga yordam xizmatimiz bilan bogʻliq holda taqdim etilgan maʼlumotlar, masalan, xabaringizning sanasi, vaqti va kontenti.
• Qurilmaga oid maʼlumotlar (masalan, qurilma ID, qurilma modeli, brauzer turi, operatsion tizim, yoʻnaltiruvchi URL, IP manzil, joylashuv maʼlumotlari) va veb-saytlarimizda Dasturlar bilan oʻzaro munosabatingiz (masalan, amallar soni va sanalari). Biz, veb-saytlarimizdagi rozilik vositalarida tasvirlanganidek, bunday maʼlumotlarni cookie fayllar va ularga oʻxshash texnologiyalar orqali olamiz.

Biz yuqoridagi Shaxsiy maʼlumotlar turkumlarini turli manbalardan, jumladan, quyidagilardan olamiz: moliyaviy muassasalar, sodiqlik dasturi operatorlari va sotuvchilar kabi uchinchi tomonlardan, bevosita sizdan yoki cookie fayllar va ularga oʻxshash texnologiyalar bilan kirishilgan munosabatlardan. Amaldagi qonunchilikka qarab, bu maʼlumotlarning ayrimlari maxfiy Shaxsiy maʼlumotlar deb tasniflanishi mumkin.

3. SHAXSIY MAʼLUMOTLATINGIZDAN QANDAY FOYDALANAMIZ

Shaxsiy maʼlumotlaringizdan quyida bayon qilingan maqsadlarda foydalanishimiz mumkin. Siz joylashgan mamlakatga qarab, quyidagi jadvalda koʻrsatilganidek, biz Shaxsiy maʼlumotlaringiz faqat qayta ishlash uchun qonuniy asos mavjud boʻlganida qayta ishlaymiz. Biroq, yodda tuting, bu jadvalda rozilik har bir qayta ishlash harakati uchun qonuniy asos deb koʻrsatilmagan boʻlsa-da, ayrim mamlakatlarda rozilik Shaxsiy maʼlumotlarni qayta ishlash uchun yagona yoki eng maqbul qonuniy asos hisoblanadi va bunday mamlakatlarda barcha qayta ishlash harakatlari uchun sizning roziligingizga tayanamiz.

Qayta ishlash faoliyati	Qayta ishlash uchun qonuniy asos
Karta turiga qarab takliflarni qabul qilish huquqiga ega ekaningizni, shuningdek, ballar yoki mukofotlarni olish talablariga mos tranzaksiyalarni aniqlash.	Siz Shaxsiy maʼlumotlaringizdan foydalanishga ruxsat yoki koʻrsatma bergansiz; yoki Qayta ishlash tomonlaridan biri siz boʻlgan biror shartnomani tuzish yoki bajarish uchun zarur; yoki Biz yoki biror uchinchi tomon Dasturlar va ularning imtiyozlari talablariga mos kelishingizni aniqlash, ularni boshqarish va sizga taqdim etish uchun Shaxsiy maʼlumotlaringizni ishlatishdan qonuniy jihatdan manfaatdor.
Dastur hisob(lar)ingizni yaratish va boshqarish, xizmatlarimizni taqdim qilish, siz bilan Dasturlar haqida muloqot qilish yoki soʻrovlaringizga javob berish.	Siz Shaxsiy maʼlumotlaringizdan foydalanishga ruxsat yoki koʻrsatma bergansiz; yoki Qayta ishlash tomonlaridan biri siz boʻlgan biror shartnomani tuzish yoki bajarish uchun zarur; yoki Qayta ishlash qonuniy majburiyat yoki boshqa normativ majburiyatlarga rioya qilish uchun zarur; yoki Biz yoki biror uchinchi tomon hisoblarni yaratish va boshqarish, xizmatlarimizni taqdim qilish va soʻrovlaringizga javob berish uchun Shaxsiy maʼlumotlaringizni ishlatishdan qonuniy jihatdan manfaatdor.
Biror Dasturda yoki Dastur orqali amalga oshirilgan xaridlarni qayta ishlash yoki bajarish.	Siz Shaxsiy maʼlumotlaringizdan foydalanishga ruxsat yoki koʻrsatma bergansiz Qayta ishlash tomonlaridan biri siz boʻlgan biror shartnomani tuzish yoki bajarish uchun zarur; yoki Qayta ishlash qonuniy majburiyat yoki boshqa normativ majburiyatlarga rioya qilish uchun zarur.
Firibgarlik va (kiber) tahdidlar, ruxsatsiz tranzaksiyalar, Dasturlarni suiisteʼmol qilish, daʼvolar yoki boshqa javobgarliklarga qarshi himoyalanish va ularning oldini olish.	Qayta ishlash qonuniy majburiyat yoki boshqa normativ majburiyatlarga rioya qilish uchun zarur; yoki Qayta ishlash tomonlaridan biri siz boʻlgan biror shartnomani tuzish yoki bajarish uchun zarur; yoki Biz yoki uchinchi tomon firibgarlikka qarshi himoyalanish, Dasturlarimiz, tarmogʻimiz yoki biz qayta ishlaydigan toʻlov tranzaksiyalari xavfsizligidan taʼminlash maqsadida Shaxsiy maʼlumotlaringizdan foydalanishdan qonuniy jihatdan manfaatdormiz.
Sizga Dasturlar (jumladan, tanlovlar, lotereyalar va boshqa marketing tadbirlari) haqida push-bildirishnomalar va marketing xabarlarini yuborish.	Siz Shaxsiy maʼlumotlaringizdan foydalanishga ruxsat yoki koʻrsatma bergansiz; yoki Qayta ishlash tomonlaridan biri siz boʻlgan biror shartnomani tuzish yoki bajarish uchun zarur; yoki Biz yoki biror uchinchi tomon mahsulot va xizmatlar marketingi maqsadida Shaxsiy maʼlumotlaringizdan foydalanishdan qonuniy jihatdan manfaatdormiz.
Sizga Dasturlar yuzasidan tegishli takliflar, moslashtirilgan kontent va moslashtirilgan tavsiyalarni taqdim etish uchun (masalan, biz geografik joylashuvingizdagi yoki xaridlaringiz tarixiga asoslangan takliflarni taqdim etishimiz mumkin) afzalliklaringiz, sarf-xarajatlaringiz modellari, qiziqishlaringiz, Dasturlarimizdan foydalanish va ular bilan oʻzaro munosabatingizni tahlil qilish.	Siz Shaxsiy maʼlumotlaringizdan foydalanishga ruxsat yoki koʻrsatma bergansiz; yoki Qayta ishlash tomonlaridan biri siz boʻlgan biror shartnomani tuzish yoki bajarish uchun zarur; yoki Biz yoki biror uchinchi tomon sizga moslashtirilgan kontent yoki tavsiyalarni taqdim etish maqsadida Shaxsiy maʼlumotlaringizdan foydalanishdan qonuniy jihatdan manfaatdormiz.
Mahsulot va xizmatlarimiz, jumladan, taklif va kampaniyalarimiz samaradorligini boshqarish, baholash va yaxshilash, shuningdek, Dastur veb-saytlari, mobil ilovalari va ularning ishlashini osonlashtiruvchi boshqa raqamli resurslarni tahlil qilish.	Siz Shaxsiy maʼlumotlaringizdan foydalanishga ruxsat yoki koʻrsatma bergansiz; yoki Qayta ishlash tomonlaridan biri siz boʻlgan biror shartnomani tuzish yoki bajarish uchun zarur; yoki Biz yoki biror uchinchi tomon mahsulotlar yoki xizmatlarimizni boshqarish, baholash va yaxshilash, shuningdek, mijozlarni Dasturga jalb qilishni osonlashtirish maqsadida Shaxsiy maʼlumotlaringizdan foydalanishdan qonuniy jihatdan manfaatdormiz.
Shaxsiy maʼlumotlarni anonimlashtirish va ichki tahlillar uchun umumlashtirilgan hisobotlarni tayyorlash, shuningdek, sarf-xarajat modellari, firibgarlik va boshqa maʼlumotlar yuzasidan moliyaviy muassasalar, sotuvchilar va boshqa mijoz hamda hamkorlarimizga maslahat berish.	Biz yoki biror uchinchi tomon Shaxsiy maʼlumotlarni anonimlashtirish va maʼlumotlar boʻyicha umumlashtirilgan hisobotlarni tayyorlash uchun Shaxsiy maʼlumotlaringizdan foydalanishdan qonuniy jihatdan manfaatdormiz; yoki Bunday qayta ishlash statistik va/yoki tadqiqot maqsadlarida (ushbu qonuniy asos mavjud boʻlgan yurisdiksiyalarda) amalga oshiriladi.
Amaldagi foydalanish shartlari ijrosini taʼminlash yoki zarur hollarda qonuniy huquqlarimizni oʻrnatish, amalga oshirish va himoya qilish.	Qayta ishlash tomonlaridan biri siz boʻlgan biror shartnomani tuzish yoki bajarish uchun zarur; yoki Qayta ishlash qonuniy majburiyat yoki boshqa normativ majburiyatlarga rioya qilish uchun zarur; yoki Biz yoki biror uchinchi tomon Dasturning foydalanish shartlari ijrosini taʼminlash va qonuniy huquqlarni tasdiqlash, amalga oshirish va himoya qilish uchun Shaxsiy maʼlumotlaringizdan foydalanishdan qonuniy jihatdan manfaatdormiz.
Amaldagi qonunlar yoki Mastercard ustidan yurisdiksiyaga ega boʻlgan yoki yurisdiksiyaga egaligini daʼvo qiluvchi sud jarayonlari, huquqni muhofaza qiluvchi organlar yoki hukumat organi talablariga rioya qilish.	Qayta ishlash qonuniy majburiyat yoki boshqa normativ majburiyatlarga rioya qilish uchun zarur; yoki Biz yoki biror uchinchi tomon sud jarayonlari, huquqni muhofaza qiluvchi organlar yoki hukumat organi talablariga javob berish uchun Shaxsiy maʼlumotlaringizdan foydalanishdan qonuniy jihatdan manfaatdormiz.
Soha standartlari va qoidalarimizga rioya qilish.	Siz Shaxsiy maʼlumotlaringizdan foydalanishga ruxsat yoki koʻrsatma bergansiz; yoki Qayta ishlash qonuniy majburiyat yoki boshqa normativ majburiyatlarga rioya qilish uchun zarur; yoki Qayta ishlash tomonlaridan biri siz boʻlgan biror shartnomani tuzish yoki bajarish uchun zarur; yoki Biz yoki biror uchinchi tomon soha standartlari yoki qoidalarimizga rioya qilish uchun Shaxsiy maʼlumotlaringizdan foydalanishdan qonuniy jihatdan manfaatdormiz.

4. SHAXSIY MAʼLUMOTLARINGIZNI QANDAY ULASHAMIZ

Biz shaxsiy maʼlumotlaringizni ulashishimiz mumkin:

• AQSHdagi Mastercard bosh ofislari, filiallarimiz yoki Mastercard kompaniyalar guruhi ichidagi boshqa tashkilotlarga.
• Xizmatlarni bizning nomimizdan va ushbu Eslatmada bayon qilingan maqsadlarda koʻrsatuvchi marketing agentliklari va boshqa xizmat provayderlariga. Biz ularning zimmasiga maʼlumotlar himoyasi va xavfsizligi bo'yicha qatʼiy shartnomaviy majburiyatlarni yuklaymiz.
• Dasturga aloqador tashabbuslarni qoʻllab-quvvatlash va shikoyatlarni koʻrib chiqish uchun zarur boʻlgan darajada moliyaviy muassasa(lar) (masalan, biror Dasturga registratsiya qilingan karta(lar)ni bergan banklar) yoki sotuvchilarga.
• Siz qoʻshilishga qaror qilgan dasturni boshqaradigan yoki qoʻllab-quvvatlaydigan uchinchi tomonlarga.
• Biror Dastur orqali amalga oshirilgan xaridlar yoki transferlarni qayta ishlash yoki bajarish uchun ayirboshlash hamkorlariga.
• Biz jismoniy shaxslarning muhim manfaatlarini himoya qilish, zarar yoki moliyaviy yoʻqotishlardan Mastercard kompaniyasini himoya qilish yoki gumon qilinayotgan yoxud faktik firibgarlik yoki noqonuniy xatti-harakatni tergov qilish uchun maʼlumotlarni oshkor qilish zarur deb hisoblasak.
• Amaldagi qonunchilik yoki sud jarayonlari asosida talab etilsa yoki huquqni muhofaza qiluvchi organlar yoki hukumat organlari soʻrovlariga javob berish uchun. Bunday soʻrovlar kelib tushsa, biz, tegishli hollarda, Majburiy korporativ qoidalarimizda belgilangan jarayonga rioya qilamiz.
• Biznes yoki aktivlarimiz qisman yoki toʻliq sotilsa yoki boshqa shaxsga oʻtkazilsa. Bunday holatda qabul qiluvchiga siz taqdim etgan Shaxsiy maʼlumotlardan ushbu Eslatmaga muvofiq tarzda foydalanish majburiyatini yuklash uchun oqilona chora-tadbirlarni koʻramiz.

5. HUQUQLARINGIZ, BIZGA QANDAY MUROJAAT QILISH BORASIDAGI TANLOVLARINGIZ VA AMALIYOTLARIMIZ HAQIDA QOʻSHIMCHA AXBOROT

Sizda biz saqlaydigan siz haqingizdagi Shaxsiy maʼlumotlarga nisbatan muayyan huquqlar va tanlovlar mavjud. Shaxsiy maʼlumotlaringizga nisbatan huquqlaringizdan foydalanish maqsadida soʻrov yuborish yoki bizga murojaat qilish huquqingiz haqida batafsil maʼlumot olish yoxud Shaxsiy maʼlumotlaringizni qanday ulashish, uzatish, saqlash yoki himoya qilishimiz haqida batafsil axborot olish uchun Global maxfiylik eslatmasining “Huquq va tanlovlaringiz” boʻlimiga qarang. Quyidagi manzilga email yozish orqali Shaxsiy maʼlumotlaringizni qayta ishlashimizdan voz kechish huquqingizdan foydalanishingiz mumkin: .Email mavzusida soʻrovingiz tegishli boʻlgan Dastur nomini koʻrsating.

Bu Eslatma Global maxfiylik eslatmasi qamrov doirasiga kiruvchi Shaxsiy maʼlumotlarni qayta ishlashning muayyan jihatlari haqida qoʻshimcha axborot beradi. Mastercard kartangiz va xaridlaringiz haqidagi soʻrovlar yuzasidan moliyaviy muassasangiz yoki sotuvchiga murojaat qiling. Ularga qanday murojaat qilish haqidagi batafsil maʼlumotni ularning veb-saytlaridan topishingiz mumkin.